prajavaani.net
Newspaper Banner
Date of Publish : 16 November 2026, 3:28 pm Digital Edition : MADHUBABU ANDRAPRADESH

తండ్రి బైరవ ప్రసాద్ బాటలోనే ప్రజాసేవ.. టేకురుపేట సర్పంచ్ అభ్యర్థిగా బైరవ శివసాహితి నామినేషన్

పోరుమామిళ్ల (కడప జిల్లా)నవంబర్ 16ప్రజావాణి పోరుమామిళ్ల మండలంలోని టేకురుపేట గ్రామ పంచాయతీ సర్పంచ్ ఎన్నికల రాజకీయం ఒక్కసారిగా వేడెక్కింది. పోరుమామిళ్ల మండల తెలుగుదేశం పార్టీ (టీడీపీ) అధ్యక్షుడు బైరవ ప్రసాద్ కుమార్తె బైరవ శివసాహితి,టేకురుపేట పంచాయతీ సర్పంచ్ అభ్యర్థిగా సోమవారం అట్టహాసంగా నామినేషన్ దాఖలు చేశారు. ఈ సందర్భంగా పార్టీ నాయకులు,కార్యకర్తలు, అనుచరులు మరియు గ్రామ పెద్దలతో కలిసి భారీ ర్యాలీగా వెళ్లి ఎన్నికల రిటర్నింగ్ అధికారికి తన నామినేషన్ పత్రాలను అందజేశారు.తండ్రి ఆశయాల సాధనే లక్ష్యం నామినేషన్ ప్రక్రియ అనంతరం బైరవ శివసాహితి మీడియాతో మాట్లాడారు. మండల టీడీపీ అధ్యక్షుడిగా ప్రజాసేవలో తనకంటూ ప్రత్యేక గుర్తింపు తెచ్చుకున్న తన తండ్రి బైరవ ప్రసాద్ అడుగుజాడల్లో నడుస్తూ రాజకీయాల్లోకి అడుగుపెట్టినట్లు స్పష్టం చేశారు. తండ్రి ఆశయాలకు అనుగుణంగా గ్రామ ప్రజలకు ఎల్లప్పుడూ అందుబాటులో ఉంటూ, నిస్వార్థంగా సేవ చేయడమే తన ప్రధాన ధ్యేయమని పేర్కొన్నారు.టేకురుపేట సమగ్ర అభివృద్ధే అజెండా గ్రామ ప్రజలు తనను ఆశీర్వదించి సర్పంచ్‌గా గెలిపిస్తే, టేకురుపేట పంచాయతీని అన్ని రంగాల్లో ఆదర్శవంతంగా తీర్చిదిద్దుతానని ఆమె హామీ ఇచ్చారు గ్రామంలో ప్రధాన సమస్యలైన తాగునీరు, అంతర్గత సిమెంట్ రహదారులు మరియు డ్రైనేజీ వ్యవస్థను పూర్తిస్థాయిలో మెరుగుపరుస్తానని తెలిపారు.ప్రభుత్వ సంక్షేమ పథకాలు అర్హులైన ప్రతి పేదవాడికి పారదర్శకంగా అందేలా కృషి చేస్తానని అన్నారు.యువత, మహిళల అభ్యున్నతికి ప్రత్యేక ప్రాధాన్యత ఇస్తూ పంచాయతీ అభివృద్ధికి నిరంతరం పనిచేస్తానని భరోసా ఇచ్చారు.ఈ నామినేషన్ కార్యక్రమంలో పోరుమామిళ్ల మండల టీడీపీ నాయకులు,టేకురుపేట గ్రామస్తులు,యువకులు మరియు మహిళలు పెద్ద ఎత్తున పాల్గొని బైరవ శివసాహితికి తమ సంపూర్ణ మద్దతు ప్రకటించారు.