prajavaani.net
Newspaper Banner
Date of Publish : 15 November 2026, 8:58 am Digital Edition : PRAJA VANI

కొనుగోలు కేంద్రాల్లో వెంటనే ధాన్యం కొనుగోలు చేయాలి

కొనుగోలు కేంద్రాల్లో వెంటనే ధాన్యం కొనుగోలు చేయాలి

రక్షణ సేన జిల్లా బంజారా విభాగం అధ్యక్షుడు వెంకటేష్ నాయక్

మద్దూరు నవంబర్15, ప్రజా వాణి,

కాంగ్రెస్, బీఆర్ఎస్ పార్టీల రాజకీయ విమర్శల మధ్య వరి ధాన్యం కొనుగోళ్లు నిలిచిపోయి రైతులు తీవ్రంగా నష్టపోతున్నారని తెలంగాణ రక్షణ సేన సిద్దిపేట జిల్లా బంజారా విభాగం అధ్యక్షుడు లకవత్ వెంకటేష్ నాయక్ మండిపడ్డారు.
ఆదివారం ఆయన ఒక ప్రకటన విడుదల చేస్తూ.. ఇరు పార్టీలు ఒకరిపై ఒకరు నిందలు వేసుకుంటూ కాలయాపన చేస్తున్నాయి తప్ప, కల్లాల్లో పడిగాపులు కాస్తున్న రైతుల గోడు పట్టించుకోవడం లేదని ఆవేదన వ్యక్తం చేశారు. కొనుగోళ్లలో జాప్యాన్ని ఆసరాగా చేసుకుని దళారులు రైతులను నిలువునా దోచుకుంటున్నారని ఆరోపించారు. తక్షణమే జిల్లాలోని అన్ని కొనుగోలు కేంద్రాల్లో ఎలాంటి షరతులు లేకుండా మద్దతు ధరకు ప్రతి గింజను కొనుగోలు చేయాలని, లేనిపక్షంలో రైతులతో కలిసి పెద్ద ఎత్తున ఆందోళనలు చేపడతామని ప్రభుత్వాన్ని హెచ్చరించారు.