పోత్కపల్లి పోలీస్‌స్టేషన్‌లో డీసీపీ ఆకస్మిక తనిఖీ
ప్రజలతో మర్యాదగా మెలగాలి.. వృద్ధులకు ప్రథమ ప్రాధాన్యత ఇవ్వాలి
సీసీటీఎన్‌ఎస్‌ నమోదులో జాప్యం వద్దు : డీసీపీ శ్రీ రామ్‌రెడ్డి ఐపీఎస్‌
పోత్కపల్లి
పెద్దపల్లి డీసీపీ శ్రీ రామ్‌రెడ్డి ఐపీఎస్‌ గురువారం పోత్కపల్లి పోలీస్‌స్టేషన్‌ను ఆకస్మికంగా తనిఖీ చేశారు. పోలీస్‌స్టేషన్‌లోని వివిధ విభాగాలను పరిశీలించిన డీసీపీ.. స్టేషన్‌ నిర్వహణ, సిబ్బంది పనితీరు, కేసుల దర్యాప్తు, రికార్డుల నిర్వహణ తదితర అంశాలపై సమీక్ష నిర్వహించారు.
తనిఖీలో భాగంగా పోలీస్‌స్టేషన్‌ పరిసరాలు, రిసెప్షన్‌ కౌంటర్‌, టెక్‌ టీమ్‌ విభాగాలను పరిశీలించారు. అనంత
రం స్టేషన్‌లో నిర్వహిస్తున్న కేసు రికార్డులు, కేస్‌ డైరీలు, సీసీటీఎన్‌ఎస్‌ నమోదులు, ఇతర ముఖ్యమైన రికార్డులను పరిశీలించి వాటి నిర్వహణ తీరును తెలుసుకున్నారు. పెండింగ్‌లో ఉన్న కేసుల వివరాలను అడిగి తెలుసుకుని, కేసుల దర్యాప్తును నిబంధనల ప్రకారం వేగవంతంగా పూర్తి చేయాలని సిబ్బందికి సూచించారు.
పిటిషనర్లతో మర్యాదగా వ్యవహరించాలి
ఈ సందర్భంగా పోలీస్‌ సిబ్బందితో డీసీపీ మాట్లాడుతూ.. పోలీస్‌స్టేషన్‌కు తమ సమస్యలను పరిష్కరించుకునేందుకు వచ్చే పిటిషనర్లు, బాధితులతో మర్యాదపూర్వకంగా, సానుభూతితో వ్యవహరించాలని సూచించారు. పోలీస్‌స్టేషన్‌కు వచ్చే ప్రతి ఒక్కరి సమస్యను ఓపికగా విని, నిబంధనల ప్రకారం తగిన విధంగా స్పందించాలని ఆదేశించారు.
ముఖ్యంగా వయోవృద్ధులు తమ సమస్యలతో పోలీస్‌స్టేషన్‌కు వచ్చినప్పుడు వారికి ప్రథమ ప్రాధాన్యతనిస్తూ సముచిత గౌరవం ఇవ్వాలని స్పష్టం చేశారు. బాధితులకు పోలీసులపై నమ్మకం కలిగే విధంగా సిబ్బంది బాధ్యతాయుతంగా విధులు నిర్వహించాలని సూచించారు.
సీసీటీఎన్‌ఎస్‌ నమోదులో జాప్యం వద్దు
కేసులకు సంబంధించిన ప్రతి వివరాన్ని సీసీటీఎన్‌ఎస్‌లో ఎప్పటికప్పుడు ఖచ్చితంగా నమోదు చేయాలని డీసీపీ ఆదేశించారు. కేసుల నమోదు, దర్యాప్తు పురోగతి, రికార్డుల నిర్వహణలో ఎలాంటి నిర్లక్ష్యం లేదా జాప్యం ఉండకూడదని సూచించారు. స్టేషన్‌లోని అన్ని రికార్డులను పకడ్బందీగా,
క్రమబద్ధంగా నిర్వహించాలని తెలిపారు.
అలాగే పోలీస్‌స్టేషన్‌కు వచ్చే ప్రజలకు ఎలాంటి ఇబ్బందులు కలగకుండా రిసెప్షన్‌ విభాగంలో సక్రమమైన సేవలు అందించాలని, ఫిర్యాదుల స్వీకరణ నుంచి వాటి పరిష్కారం వరకు ప్రతి దశలోనూ బాధ్యతాయుతంగా వ్యవహరించాలని సిబ్బందికి సూచించారు.
పరిశుభ్రతపై ప్రత్యేక దృష్టి
పోలీస్‌స్టేషన్‌ పరిసరాలను ఎప్పటికప్పుడు పరిశుభ్రంగా ఉంచాలని డీసీపీ ఆదేశించారు. ప్రజలకు పోలీస్‌స్టేషన్‌ పట్ల మంచి అభిప్రాయం కలిగేలా పరిసరాల నిర్వహణ ఉండాలని సూచించారు. విధుల్లో క్రమశిక్షణ, సమయపాలన, ప్రజల పట్ల బాధ్యతాయుతమైన వైఖరి పాటించాలని సిబ్బందికి దిశానిర్దేశం చేశారు.
ప్రజల భద్రతకు ప్రాధాన్యతనిస్తూ
వారికి మెరుగైన పోలీస్‌ సేవలు అందించేందుకు ప్రతి ఒక్కరూ సమన్వయంతో పనిచేయాలని డీసీపీ శ్రీ రామ్‌రెడ్డి సూచించారు. విధి నిర్వహణలో ఎలాంటి అలసత్వానికి తావులేకుండా అప్రమత్తంగా ఉండాలని, ప్రజల సమస్యలను వేగంగా పరిష్కరించే దిశగా చర్యలు తీసుకోవాలని ఆదేశించారు.
ఈ ఆకస్మిక తనిఖీలో సుల్తానాబాద్‌ సీఐ రంజిత్‌రావు, పోత్కపల్లి ఎస్‌ఐ సనత్‌కుమార్‌, పోలీస్‌స్టేషన్‌ సిబ్బంది పాల్గొన్నారు.