పుట్టపహాడ్‌లో వివాదాస్పద భూమి

పుట్టపహాడ్‌లో వివాదాస్పద భూమి: క్రయవిక్రయాలు చేస్తే కఠిన చర్యలు – హెచ్చరిక
పరిగి, అక్టోబర్ 08( ప్రజావాణి)
వికారాబాద్ జిల్లా, కులకచర్ల మండల పరిధిలోని పుట్టపహాడ్ గ్రామంలో గల సర్వే నెంబర్ 106 లోని భూమిపై న్యాయపరమైన వివాదం కొనసాగుతోందని సంబంధిత వర్గాలు వెల్లడించాయి. మొత్తం 6 ఎకరాల 22 గుంటల విస్తీర్ణం కలిగిన ఈ భూమి ప్రస్తుతం వివిధ న్యాయస్థానాలు, అధికారుల పరిధిలో విచారణలో ఉన్నట్లు స్పష్టం చేశారు.
ఈ భూమికి సంబంధించి వికారాబాద్ జిల్లా కలెక్టర్ కార్యాలయంలో (కేసు నం. D1/2763/2018), తెలంగాణ హైకోర్టులో (W.P. 27893/2021) మరియు పరిగి జూనియర్ సివిల్ కోర్టులో (O.S. 194/2025) కేసులు నడుస్తున్నాయి.
ఈ నేపథ్యంలో సదరు భూమిపై ‘లిస్ పెండెన్స్’ (Lis Pendens – Sec 52) నిబంధనలు వర్తిస్తాయని హెచ్చరించారు. అందువల్ల ఈ స్థలాన్ని ఎవరూ కొనడం, అమ్మడం వంటి లావాదేవీలు చేయరాదని, అలాగే అనుమతి లేకుండా అందులోకి ప్రవేశించరాదని పేర్కొన్నారు. నిబంధనలు ఉల్లంఘించి అక్రమ ప్రవేశం (Criminal Trespass) చేసేవారిపై BNS సెక్షన్ 329 కింద కఠిన చట్టపరమైన చర్యలు తీసుకుంటామని హెచ్చరించారు.