పండుగను ప్రశాంతంగా జరుపుకొండి*

.అల్లరి చేస్తే జైల్లో పండుగ చేసుకోండి.
.పస్రా ఎస్సై తాజుద్దీన్.

*ములుగు జిల్లా స్టాఫ్ రిపోర్టర్‌(ప్రజావాణి)*:-

దసరా వచ్చేస్తోంది. గోవిందరావుపేట మండలం అంతా పండుగ హడావుడిలో ఉంది. కానీ ఈ దసరాకు పోలీసులు స్పెషల్ గా రెడీ అయ్యారు.
పసర ఎస్సై తాజుద్దీన్ క్లియర్ గా చెప్పారు. పండుగ చేసుకోండి, కానీ అల్లర్లు చేస్తే మాత్రం ఊరుకునేది లేదు.
ఇక నుండి రోజూ 24 గంటలు పోలీసు పెట్రోలింగ్ ఉంటుంది. ప్రతి వీధి, ప్రతి వాగు దగ్గర పోలీసుల కన్ను ఉంటుంది.
తాగి బండి నడిపితే ఇక జైలే. డ్రంకెన్ డ్రైవ్ లో దొరికితే కేసు పడటం గ్యారెంటీ. లైసెన్స్ కూడా క్యాన్సిల్ అవుతుంది.
ఒక బైకు మీద ముగ్గురు వెళ్తున్నారా? బండి సీజ్ చేసి స్టేషన్ కు తరలిస్తారు. తల్లిదండ్రులను పిలిపించి కౌన్సెలింగ్ ఇస్తారు.
యువతకు ఎస్సై ఒక మాట చెప్పారు. మంచి మార్గంలో నడవండి. మీ భవిష్యత్తును మీరే నాశనం చేసుకోకండి.
ఇక అసలు విషయం. దయ్యాలవాగు, గుండ్లవాగు, కల్వర్టుల మీద కూర్చుని కొందరు తాగి సీసాలు వాగులో వేస్తున్నారు.
దీని వల్ల రైతుల పొలాలు, నీళ్లు పాడవుతున్నాయి. ఇలా చేసే వారిని ఇక వదిలేది లేదు. కఠినంగా శిక్షిస్తామని ఎస్సై తేల్చి చెప్పారు.
గంజాయి, మత్తు మందుల జోలికి వెళ్తే జీవితం నాశనమే. అలాంటి వారిపై ప్రత్యేక నిఘా పెట్టామని హెచ్చరించారు.
పండుగ రోజుల్లో గొడవలు, అల్లర్లు చేస్తే బైండోవర్ కేసులు పెడతారు. శాంతికి భంగం కలిగిస్తే జైలుకు పంపుతారు.ఏదైనా సమస్య ఉంటే వెంటనే 100కు కాల్ చేయండి. పసర పోలీసులు ఎప్పుడూ మీ కోసమే ఉంటారని ఎస్సై తాజుద్దీన్ భరోసా ఇచ్చారు.
దసరాను అందరూ సంతోషంగా, ప్రశాంతంగా జరుపుకోవాలి. ఇదే పోలీసుల కోరిక.