పోరుమామిళ్ల: కడప జిల్లా అక్టోబర్ 25 ప్రజావాణి పోరుమామిళ్ల మండలంలోని నాగలకుంట్ల గ్రామంలో నూతనంగా నిర్మించిన ఆర్‌సిఎమ్ (రోమన్ క్యాథలిక్ మిషన్) దేవాలయ ప్రారంభోత్సవ వేడుకలు అత్యంత వైభవంగా, ఆధ్యాత్మిక వాతావరణంలో జరిగాయి. ఈ మహోన్నత కార్యక్రమానికి ముఖ్య అతిథిగా కడప పీఠాధిపతులు (బిషప్) డాక్టర్ సగిణాల ప్రకాశం తండ్రి విచ్చేసి, నూతన చర్చిని రిబ్బన్ కత్తిరించి అధికారికంగా ప్రారంభించారు.దేవాలయ పవిత్రీకరణ అనంతరం ఆయన దివ్యబలి పూజను సమర్పించి భక్తులకు దైవ సందేశాన్ని అందించారు.ఆధ్యాత్మిక నిలయాలుగా చర్చిలు:ఈ సందర్భంగా కడప పీఠాధిపతులు పూజ్య డాక్టర్ సగినాల ప్రకాశం తండ్రి ప్రసంగిస్తూ,చర్చిలు సమాజంలో శాంతికి, సోదరభావానికి ప్రతీకలని పేర్కొన్నారు.దేవుని మందిరం భక్తులలో క్రమశిక్షణను, సన్మార్గాన్ని పెంపొందిస్తుందని, నాగలకుంట్ల గ్రామ ప్రజలందరూ ఈ ఆలయాన్ని సద్వినియోగం చేసుకుని ఆధ్యాత్మికంగా ఎదగాలని పిలుపునిచ్చారు. ఇంతటి సుందరమైన ఆలయ నిర్మాణానికి కృషి చేసిన ప్రతి ఒక్కరిని ఆయన అభినందించారు.పాల్గొన్న ప్రముఖ గురువులు:ఈ ప్రతిష్ఠాపన మహోత్సవంలో పోరుమామిళ్ల డీన్ ఫాదర్ జాల విజయభాస్కర్, అసిస్టెంట్ గురువులు ఫాదర్ సునీల్ మరియు స్థానిక విచారణ గురువులు పెద్ద సంఖ్యలో పాల్గొని ప్రత్యేక ప్రార్థనలు చేశారు. వారితో పాటు వివిధ ప్రాంతాల నుండి తరలివచ్చిన క్రైస్తవ పెద్దలు, కన్యస్త్రీలు (సిస్టర్స్), నాగలకుంట్ల గ్రామ ప్రజలు మరియు పరిసర ప్రాంతాల భక్తజనులు భారీగా తరలివచ్చి పీఠాధిపతుల చేతుల మీదుగా ప్రత్యేక ఆశీర్వాదాలను అందుకున్నారు. ఈ సందర్భంగా భక్తులందరికీ అన్నదాన కార్యక్రమాన్ని కూడా ఏర్పాటు చేశారు.పాల్గొన్న గురువులు ఫాదర్ జాల విజయభాస్కర్ (పోరుమామిళ్ల డీన్), ఫాదర్ సునీల్ (అసిస్టెంట్ గురు), మరియు విచారణ గురువులు ముఖ్య విశేషాలు చర్చి ఓపెనింగ్, దివ్యబలి పూజ, పీఠాధిపతుల ఆశీర్వచనాలు, అన్నదానం కార్యక్రమం ఘనంగా జరిగింది