ఘట్‌కేసర్, అక్టోబర్ 14 (ప్రజా వాణి):ఘట్‌కేసర్ సర్కిల్ పరిధిలోని 6వ వార్డుకు చెందిన మర్పల్లిగూడ గ్రామ నివాసి బల్ద కల్పన అనారోగ్యంతో బాధపడుతూ పంజాగుట్టలోని నిమ్స్ ఆసుపత్రిలో చికిత్స పొందుతున్నారు. ఆమెకు అత్యవసర వైద్య ఖర్చుల నిమిత్తం సీఎం సహాయ నిధి (సీఎంఆర్‌ఎఫ్‌) ద్వారా ఎల్‌ఓసీ కోసం దరఖాస్తు చేసుకోగా, రూ.2 లక్షల ఆర్థిక సాయం మంజూరైంది.
బొక్క విష్ణువర్ధన్ రెడ్డి సహకారంతో మంజూరైన ఆర్థిక సాయానికి సంబంధించిన చెక్కును మల్లారెడ్డి కల్పనకు అందజేశారు. ఈ సాయం వైద్య ఖర్చుల భారంతో ఇబ్బందులు పడుతున్న బాధిత కుటుంబానికి ఎంతో ఊరటనివ్వనుంది. ఆపద సమయంలో సహకారం అందించిన వారికి కుటుంబ సభ్యులు కృతజ్ఞతలు తెలిపారు. కల్పన త్వరగా కోలుకోవాలని స్థానికులు ఆకాంక్షించారు.