అంగరంగ వైభవంగా పెద్ద మహమ్మదాబాద్ లో అట్లా బతుకమ్మ సంబరాలు

అంగరంగ వైభవంగా పెద్ద మహమ్మదాబాద్ లో అట్లా బతుకమ్మ సంబరాలు – చిన్నా పెద్దా కలిసి సందడి!

మహమ్మదాబాద్ ప్రజల ఐక్యతకు నిదర్శనం – అమ్మలక్కలందరూ ఒకచోట చేరి బతుకమ్మ ఆడిన వేళ!

చిన్నారి చేతిలో పూలు.. బామ్మ గొంతులో పాట – మనసుకు హత్తుకున్న అపురూప దృశ్యం!

బతుకమ్మ బతుకమ్మ ఉయ్యాలో అంటూ దద్దరిల్లిన మహమ్మదాబాద్ ఆటపాటలతో హోరెత్తు!

పూలు పేర్చింది చేతులతో కాదు – గుండెల్లోని ప్రేమతో – గ్రామమంతా ఒకే కుటుంబంలా!

మహమ్మదాబాద్ లో చిన్నా పెద్దా కలిసి అంగరంగ వైభవంగా అట్లా బతుకమ్మ సంబరాలు – మనసుకు హత్తుకున్న వేడుక

గ్రామ సర్పంచ్ శకుంతల బాలు సార్ ఆధ్వర్యంలో

మన ప్రజావాణి జుక్కల్ ఆర్ సి ప్రతినిధి 16

జుక్కల్ నియోజకవర్గ ఇంచార్జ్ బాలరాజు

కామారెడ్డి జిల్లా జుక్కల్ మండలంలోని మహమ్మదాబాద్ గ్రామంలో అట్లా బతుకమ్మ సంబరాలు ఈ సంవత్సరం ఎప్పుడూ లేని విధంగా అంగరంగ వైభవంగా జరిగాయి. గ్రామ ప్రజలందరూ చిన్నా పెద్దా తేడా లేకుండా ఒకే కుటుంబంలా కలిసి ఈ వేడుకను జరుపుకోవడం అందరి మనసులను హత్తుకుంది.

ఉదయం నుండే సందడి

ఉదయం నుండే గ్రామంలోని మహిళలు, యువతులు, చిన్నారులు కలిసి గ్రామ శివారులోని అడవికి, చెరువు కట్టకు వెళ్లి గునుగు పూలు, తంగేడు పూలు, బంతి, చేమంతి పూలు సేకరించారు. వాటిని తీసుకొచ్చి, పెద్ద వాళ్ళు బతుకమ్మలను అందంగా పేరుస్తుంటే, చిన్న పిల్లలు పూలు అందిస్తూ, సహాయం చేశారు. బతుకమ్మ ఒకటి నుండి రెండు అడుగుల ఎత్తులో, చిన్న గోపురంలా, రంగురంగుల పూలతో అత్యంత అందంగా కనిపించింది. ఆ పూల పరిమళంతో గ్రామమంతా గుమగుమలాడింది.

సాయంత్రం కన్నుల పండుగ

సాయంత్రం 5 గంటలకు గ్రామంలో అసలు సందడి మొదలైంది. ప్రతి ఇంటి నుండి ఆడపడుచులు సంప్రదాయ చీరల్లో ముస్తాబై వచ్చారు. 5 ఏళ్ల చిన్నారి నుండి 80 ఏళ్ల బామ్మ వరకు అందరూ కలిసి వలయాకారంలో నిలబడి, చేతులు కలుపుతూ బతుకమ్మ బతుకమ్మ ఉయ్యాలో, బంగారు బతుకమ్మ ఉయ్యాలో” అంటూ జానపద పాటలు పాడుతూ, ఆటలు ఆడుతూ సందడి చేశారు. ఈ దృశ్యం ప్రజల మనసుకు హత్తుకుంది. ఒక పక్క బామ్మ వణుకుతున్న చేతులతో పూలు అల్లుతుంటే, మరో పక్క మనవరాలు “అవ్వా ఇది పెట్టు” అంటూ పూలు అందిస్తోంది. ఆ చిన్నారి కళ్ళలో ఆనందం, ఆ బామ్మ కళ్ళలో ఆప్యాయత – ఇదే కదా బతుకమ్మ అంటే!
అట్లా బతుకమ్మ రోజు ప్రత్యేకంగా ప్రతి ఇంట్లో అట్లు, అరిసెలు వండి, ఒకరికొకరు పంచుకుని, ఆప్యాయతను పంచుకున్నారు. అత్తగారింటి నుండి వచ్చిన ఆడబిడ్డలకు అట్ల వాయనం ఇచ్చి ఆశీర్వదించారు.
చివర్లో అందరూ కలిసి బతుకమ్మలను చెరువులో నిమజ్జనం చేసి, తమ పంటలు బాగా పండాలని, గ్రామం సుభిక్షంగా ఉండాలని కోరుకున్నారు. ఈ వేడుకతో ప మండల గ్రామ ప్రజలాంత ఒకే కుటుంబంలా కనిపించింది.