1.05 లక్షలకు వేలంపాటలో లడ్డూను దక్కించుకున్న కందాడి జీవన్ రెడ్డి

కండ్లకోయలో రూ.1.05 లక్షలకు వినాయకుడి లడ్డూ వేలం

రాయల్స్ యూత్ ఆధ్వర్యంలో ఘనంగా వినాయక నిమజ్జనోత్సవాలు

లడ్డూను దక్కించుకున్న కందాడి జీవన్ రెడ్డి.. ఘనంగా సన్మానం

మేడ్చల్ (ప్రజా వాణి):- కండ్లకోయ రాయల్స్ యూత్ ఆధ్వర్యంలో నిర్వహించిన వినాయక నిమజ్జనోత్సవాలు భక్తిశ్రద్ధలతో ఘనంగా జరిగాయి. వినాయక నవరాత్రుల సందర్భంగా ప్రత్యేక పూజలందుకున్న గణనాథుడి లడ్డూ వేలంపాట ఉత్సాహంగా నిర్వహించారు. ఈ వేలంపాటలో కండ్లకోయ మాజీ సర్పంచ్ కందాడి నరేందర్ రెడ్డి తనయుడు కందాడి జీవన్ రెడ్డి రూ.1,05,000లకు లడ్డూను వేలంపాటలో దక్కించుకున్నారు. వినాయకుడి మహాప్రసాదాన్ని సొంతం చేసుకోవడంతో భక్తులు హర్షం వ్యక్తం చేశారు.

ఈ సందర్భంగా మాజీ సర్పంచ్ కందాడి నరేందర్ రెడ్డి మాట్లాడుతూ.. వినాయక నవరాత్రుల్లో ఘనంగా పూజలందుకున్న గణనాథుడి లడ్డూను వేలంపాటలో దక్కించుకోవడం ఎంతో మహాభాగ్యమని అన్నారు. వినాయకుడి ఆశీస్సులతో డివిజన్ ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. ప్రజలందరికీ విఘ్నాలు తొలగి, సకల శుభాలు కలగాలని కోరుకుంటూ ప్రత్యేక పూజలు నిర్వహించినట్లు తెలిపారు.

జీవన్ రెడ్డికి ఘన సన్మానం

వేలంపాటలో రూ.1.05 లక్షలకు వినాయకుడి లడ్డూను దక్కించుకున్న కందాడి జీవన్ రెడ్డిని రాయల్స్ యూత్ వినాయక కమిటీ సభ్యులు ఘనంగా సన్మానించారు. ఈ సందర్భంగా కమిటీ సభ్యులు ఆయనకు శుభాకాంక్షలు తెలియజేశారు. వినాయకుడి మహాప్రసాదాన్ని దక్కించుకోవడం భక్తులకు ఎంతో విశేషమైన విషయమని పేర్కొన్నారు.

ముఖ్య అతిథులుగా ప్రముఖులు

ఈ కార్యక్రమానికి ముఖ్య అతిథులుగా గుండ్లపోచంపల్లి మాజీ చైర్మన్ మద్దుల శ్రీనివాస్ రెడ్డి, మాజీ కౌన్సిలర్లు హేమంత్ రెడ్డి, ఎస్. కృష్ణ గౌడ్ హాజరయ్యారు. అలాగే ఎస్. రాజేందర్ ముదిరాజ్, కె. శ్రీకాంత్ ముదిరాజ్, శివ ముదిరాజ్, దీపక్ కుమార్, ఎస్. భాస్కర్, ఎస్. కిషోర్ తదితరులు పాల్గొన్నారు.

రాయల్స్ యూత్ వినాయక కమిటీ అధ్యక్షుడు టి. బాబు ముదిరాజ్, అల్లి వేణు ముదిరాజ్, కిషోర్, సీహెచ్ పవన్ ముదిరాజ్, సుధీర్, చింటూ, బంటు, వెంకట్, రోహిత్, లడ్డు, కిరణ్, నితిన్, రోహిత్ బెంజ్, ఏశ్వంత్, ప్రవీణ్ తదితర కమిటీ సభ్యులు పాల్గొన్నారు.

ఈ వేడుకల్లో పట్టణవాసులు పెద్ద సంఖ్యలో పాల్గొని వినాయకుడికి భక్తిశ్రద్ధలతో వీడ్కోలు పలికారు. నిమజ్జనోత్సవాలు భక్తి వాతావరణంలో ఉత్సాహంగా సాగాయి.