రామాయంపేట డివిజన్ను ఎందుకు కొనసాగించడం లేదు?
కాంగ్రెస్ ప్రభుత్వం సమాధానం చెప్పాలి
డివిజన్ కొనసాగింపుపై స్పష్టమైన నిర్ణయం తీసుకోవాలి
దసరా తర్వాత మలి విడత ఉద్యమం
మాజీ ఎమ్మెల్యే డిప్యూటీ స్పీకర్ పద్మా దేవేందర్రెడ్డి డిమాండ్
మెదక్ జిల్లా బ్యూరో ప్రజావాణి సెప్టెంబర్ 29
ప్రజల పరిపాలనా సౌలభ్యం కోసం డివిజన్ కొనసాగించాలి
రామాయంపేట డివిజన్ను ఎందుకు కొనసాగించడం లేదు?
కాంగ్రెస్ ప్రభుత్వం సమాధానం చెప్పాలి
దసరా తర్వాత మలి విడత ఉద్యమం: పద్మా దేవేందర్రెడ్డి
రామాయంపేట:
రామాయంపేట రెవెన్యూ డివిజన్ కొనసాగింపుపై రాజకీయ వేడి రాజుకుంది. డివిజన్ను కొనసాగించడంలో కాంగ్రెస్ ప్రభుత్వం ఎందుకు జాప్యం చేస్తోందని మాజీ డిప్యూటీ స్పీకర్ ఎం. పద్మా దేవేందర్రెడ్డి ప్రశ్నించారు.
మంగళవారం రామాయంపేటలోని బీఆర్ఎస్ కార్యాలయంలో నిర్వహించిన విలేకరుల సమావేశంలో ఆమె మాట్లాడారు.
బీఆర్ఎస్ ప్రభుత్వ హయాంలో రామాయంపేట ప్రజల ఆకాంక్ష మేరకు ఏర్పాటు చేసిన రెవెన్యూ డివిజన్ను ప్రస్తుత ప్రభుత్వం ఎందుకు కొనసాగించడం లేదని నిలదీశారు.
కేసీఆర్ హామీ.. డివిజన్ ఏర్పాటు
రామాయంపేట రెవెన్యూ డివిజన్ ఏర్పాటు అంశాన్ని అప్పటి మంత్రి హరీశ్రావు దృష్టికి తీసుకెళ్లామని పద్మా దేవేందర్రెడ్డి తెలిపారు. హరీశ్రావు ఈ అంశాన్ని అప్పటి ముఖ్యమంత్రి కేసీఆర్ దృష్టికి తీసుకెళ్లారని చెప్పారు.
2023 ఆగస్టులో మెదక్లో జరిగిన బహిరంగ సభలో రామాయంపేట రెవెన్యూ డివిజన్తో పాటు డిగ్రీ కళాశాల ఏర్పాటును కేసీఆర్ ప్రకటించారని గుర్తుచేశారు.
కేసీఆర్ ప్రకటన అనంతరం అప్పటి వైద్య, ఆరోగ్యశాఖ మంత్రి హరీశ్రావుతో కలిసి రామాయంపేట రెవెన్యూ డివిజన్ను ప్రారంభించామని తెలిపారు. ఇన్చార్జి ఆర్డీఓను నియమించి ఆర్డీఓ కార్యాలయాన్ని సైతం ప్రారంభించామని చెప్పారు.
అయితే మూడు నెలలకే ఇన్చార్జి ఆర్డీఓను తొలగించడంతో డివిజన్ కార్యకలాపాలు నిలిచిపోయాయని పద్మా దేవేందర్రెడ్డి ఆరోపించారు.
ప్రజలకు పరిపాలనా ఇబ్బందులు
రామాయంపేటతో పాటు పరిసర ప్రాంతాల ప్రజలకు పరిపాలనా సేవలు అందుబాటులో ఉండాలంటే రెవెన్యూ డివిజన్ కొనసాగింపు అత్యవసరమని ఆమె అన్నారు.
రెవెన్యూ, పరిపాలనా పనుల కోసం ప్రజలు దూర ప్రాంతాలకు వెళ్లాల్సిన పరిస్థితి లేకుండా అవసరమైన సిబ్బందిని నియమించి ఆర్డీఓ కార్యాలయాన్ని పూర్తిస్థాయిలో నిర్వహించాలని ప్రభుత్వాన్ని డిమాండ్ చేశారు.
కాంగ్రెస్ ప్రభుత్వాన్ని నిలదీసిన పద్మా దేవేందర్రెడ్డి
“గత ప్రభుత్వ హయాంలో ఏర్పాటు చేసిన రామాయంపేట రెవెన్యూ డివిజన్ను కాంగ్రెస్ ప్రభుత్వం ఎందుకు కొనసాగించడం లేదు?” అని పద్మా దేవేందర్రెడ్డి ప్రశ్నించారు.
ప్రజల ఆకాంక్షను దృష్టిలో పెట్టుకుని ప్రభుత్వం తక్షణమే నిర్ణయం తీసుకోవాలని డిమాండ్ చేశారు. రామాయంపేట రెవెన్యూ డివిజన్ కొనసాగింపుపై ప్రభుత్వం స్పష్టమైన ప్రకటన చేయాలని కోరారు.
దసరా తర్వాత మలి విడత ఉద్యమం
ప్రభుత్వం స్పందించకపోతే పోరాటాన్ని మరింత ఉధృతం చేస్తామని పద్మా దేవేందర్రెడ్డి హెచ్చరించారు.
“రామాయంపేట రెవెన్యూ డివిజన్ను కొనసాగించేందుకు ప్రభుత్వం చర్యలు తీసుకోకపోతే.. దసరా తర్వాత మలి విడత ఉద్యమాన్ని ప్రారంభిస్తాం. ప్రజల హక్కు కోసం పోరాటాన్ని మరింత ఉధృతం చేస్తాం” అని స్పష్టం చేశారు.
రామాయంపేట రెవెన్యూ డివిజన్పై ప్రభుత్వం వెంటనే స్పష్టమైన నిర్ణయం తీసుకోవాలని ఆమె డిమాండ్ చేశారూ
ఈ సమావేశంలో మాజీ మున్సిపల్ చైర్మన్ పల్లె జితేందర్గౌడ్, పీఏసీఎస్ చైర్మన్ బాదే చంద్రం, మాజీ మున్సిపల్ వైస్ చైర్మన్ పుట్టి విజయలక్ష్మి, నాయకులు సుప్రభాతరావు, ఉమామహేశ్వర్, శ్రీకాంత్ సాగర్, అస్నుద్దీన్, దోమకొండ శ్రీను, గణపురం కృష్ణగౌడ్, రొయ్యల నవీన్, మధ్యల రమేష్, కృష్ణగౌడ్ తదితరులు పాల్గొన్నారు