*మేడ్చల్ మండలానికి ఏడుగురు ఉత్తమ ఉపాధ్యాయుల ఎంపిక*
మేడ్చల్ ప్రజావాణి:- విద్యారంగానికి అందించిన అంకితభావంతో కూడిన సేవలు, విద్యాపరమైన కృషి, విద్యార్థుల సమగ్ర అభివృద్ధికి చేసిన సేవలను గుర్తిస్తూ మేడ్చల్ మండల స్థాయి ఉత్తమ ఉపాధ్యాయులను ఎంపిక చేశారు. మండల విద్యాశాఖ అధికారి కార్యాలయం జారీ చేసిన ఉత్తర్వుల ప్రకారం మొత్తం ఏడుగురు ఉపాధ్యాయులు ఉత్తమ ఉపాధ్యాయ పురస్కారానికి ఎంపికయ్యారు. ఎంపికైన వారిలో జడ్.పి.హెచ్.ఎస్. రావల్కోల్కు చెందిన శ్రీమతి కె. అరుంధతి (ఎస్ఏ–గణితం), జడ్.పి.హెచ్.ఎస్. బాయ్స్ మేడ్చల్కు చెందిన శ్రీమతి ఎస్. అనిత కుమారి (ఎస్ఏ–హిందీ), జడ్.పి.హెచ్.ఎస్. గర్ల్స్ మేడ్చల్కు చెందిన శ్రీమతి నల్ల శ్రీలత (ఎస్ఏ–తెలుగు), జడ్.పి.హెచ్.ఎస్. నూతన్కల్కు చెందిన శ్రీమతి కె. అమరావతి (ఎస్ఏ–భౌతిక శాస్త్రం) ఉన్నారు.
అలాగే ఎంపీపీ ఎస్. గిర్మాపూర్కు చెందిన శ్రీమతి పి.డి.ఎల్.ఎస్. శైలజ (ఎస్జీటీ), ఎంపీపీ ఎస్. రాజబొల్లారానికి చెందిన శ్రీమతి కె. వనజ (ఎస్జీటీ), ఎంపీపీ ఎస్. పుదుర్కు చెందిన శ్రీమతి ఎం.ఎస్. అనురాధ (ఎస్జీటీ) ఉత్తమ ఉపాధ్యాయులుగా ఎంపికయ్యారు. ఎంపికైన ఉపాధ్యాయుల కోసం సెప్టెంబర్ 16న మధ్యాహ్నం 1 గంటకు పుదుర్లోని జడ్.పి.హెచ్.ఎస్. పాఠశాలలో మండల స్థాయి ఉత్తమ ఉపాధ్యాయ పురస్కార కార్యక్రమం, సమావేశం నిర్వహించనున్నట్లు ఉత్తర్వుల్లో పేర్కొన్నారు. ఎంపికైన ఉపాధ్యాయులు నిర్ణీత సమయానికి హాజరై కార్యక్రమం విజయవంతంగా నిర్వహించేందుకు సహకరించాలని మండల విద్యాశాఖ అధికారి కోరారు.
ఈ సందర్భంగా మండల స్థాయి ఉత్తమ ఉపాధ్యాయ పురస్కారానికి ఎంపికైన ఉపాధ్యాయులకు మండల విద్యాశాఖ అధికారి అభినందనలు, శుభాకాంక్షలు తెలిపారు.