బీమ్ యూత్ అసోసియేషన్లో భక్తి వెల్లువ!
వైభవంగా మహా పూజలు.. భక్తిశ్రద్ధలతో పాల్గొన్న సభ్యులు
సీఐ ఏ. మహేందర్కు శాలువాతో ఘన సన్మానం
66వ డివిజన్లో ఆధ్యాత్మిక శోభ.. పాల్గొన్న కాంగ్రెస్ నాయకులు
హసన్పర్తి, మాన ప్రజావాణి: సెప్టెంబర్ 21:
వినాయక నవరాత్రి ఉత్సవాలను పురస్కరించుకుని హసన్పర్తి మండలం 66వ డివిజన్లో బీమ్ యూత్ అసోసియేషన్ ఆధ్వర్యంలో సోమవారం మహా పూజా కార్యక్రమాలను భక్తిశ్రద్ధలతో ఘనంగా నిర్వహించారు. ఈ కార్యక్రమానికి సీఐ ఏ. మహేందర్, 66వ డివిజన్ కాంగ్రెస్ పార్టీ అధ్యక్షుడు గొర్రె కిరణ్కుమార్, మాజీ 66వ డివిజన్ కాంగ్రెస్ పార్టీ అధ్యక్షుడు కనపర్తి కిరణ్ ముఖ్య అతిథులుగా హాజరై ప్రత్యేక పూజల్లో పాల్గొన్నారు.
ఈ సందర్భంగా బీమ్ యూత్ అసోసియేషన్ సభ్యులు సీఐ ఏ. మహేందర్ను శాలువాతో ఘనంగా సన్మానించారు. అనంతరం ముఖ్య అతిథులు స్వామివారిని దర్శించుకుని ప్రత్యేక పూజలు నిర్వహించారు.
కార్యక్రమంలో కాంగ్రెస్ పార్టీ నాయకులు జన్ను అశోక్ తదితరులు పాల్గొన్నారు. ఉదయం నుంచే పూజా ప్రాంగణంలో ఆధ్యాత్మిక వాతావరణం నెలకొంది. వినాయకుడిని ప్రత్యేకంగా అలంకరించి వేద మంత్రోచ్ఛారణల మధ్య పూజా కార్యక్రమాలను నిర్వహించారు. భక్తుల జయజయధ్వానాలతో పరిసర ప్రాంతం భక్తిమయంగా మారింది.
బీమ్ యూత్ అసోసియేషన్ సభ్యులు మాట్లాడుతూ ప్రతి ఏడాది వినాయక నవరాత్రి ఉత్సవాలను భక్తిశ్రద్ధలతో నిర్వహిస్తున్నామని తెలిపారు. యువతలో ఐక్యత, ఆధ్యాత్మిక భావనతో పాటు సేవాభావాన్ని పెంపొందించడమే తమ లక్ష్యమని పేర్కొన్నారు.
కార్యక్రమంలో స్థానిక భక్తులు, యువత, అసోసియేషన్ సభ్యులు పెద్ద సంఖ్యలో పాల్గొన్నారు. అనంతరం భక్తులకు తీర్థప్రసాదాలు అందజేశారు.
66వ డివిజన్లో బీమ్ యూత్ అసోసియేషన్ ఆధ్వర్యంలో నిర్వహించిన మహా పూజా కార్యక్రమంలో పాల్గొన్న 66వ డివిజన్ కాంగ్రెస్ పార్టీ అధ్యక్షుడు గొర్రె కిరణ్కుమార్, మాజీ డివిజన్ అధ్యక్షుడు కనపర్తి కిరణ్, సీఐ ఏ. మహేందర్ను శాలువాతో సన్మానిస్తున్న అసోసియేషన్ సభ్యులు, కాంగ్రెస్ నాయకుడు జన్ను అశోక్ తదితరులు.