*ఎల్లంపేట విద్యుత్ సబ్స్టేషన్లో మద్యం సేవిస్తున్నా సిబ్బంది*
*విధి నిర్వహణ సమయంలో సిబ్బంది మద్యం సేవిస్తున్నా సిబ్బంది*
*అత్యవసర సేవల్లో నిర్లక్ష్యంపై ప్రజల ఆందోళన*
*బాధ్యులపై కఠిన చర్యలు తీసుకోవాలని స్థానికుల డిమాండ్*
ఎల్లంపేట: (ప్రజావాణి):- 
ప్రజలకు నిరంతరం విద్యుత్ సేవలు అందించాల్సిన ఎల్లంపేట విద్యుత్ సబ్స్టేషన్లో సిబ్బంది విధి నిర్వహణ సమయంలో మద్యం సేవిస్తున్నారు. అత్యవసర విధులు నిర్వహించాల్సిన సిబ్బంది మద్యం సేవిస్తున్నారనే అంశంపై పలువురు ప్రజలు అభ్యంతరం వ్యక్తం చేస్తున్నారు. ఈ వ్యవహారంపై సంబంధిత ఉన్నతాధికారులు వెంటనే స్పందించి విచారణ జరిపి బాధ్యులపై కఠిన చర్యలు తీసుకోవాలని ప్రజలు డిమాండ్ చేస్తున్నారు.
*విధి నిర్వహణలో నిర్లక్ష్యంపై ఆందోళన*
విద్యుత్ సబ్స్టేషన్లో పనిచేసే సిబ్బంది ప్రజలకు నిరంతర విద్యుత్ సరఫరా అందించడంతో పాటు, విద్యుత్ అంతరాయాలు, సాంకేతిక సమస్యలు తలెత్తినప్పుడు తక్షణమే స్పందించాల్సి ఉంటుంది. ఇలాంటి అత్యవసర బాధ్యతలు నిర్వహించాల్సిన సిబ్బంది విధి సమయంలో మద్యం సేవించడం స్థానికంగా ఆందోళన కలిగిస్తోంది.
విద్యుత్ సరఫరాలో అంతరాయం ఏర్పడినప్పుడు లేదా ఏదైనా ప్రమాదం చోటుచేసుకున్నప్పుడు సిబ్బంది అప్రమత్తంగా ఉండాల్సిన అవసరం ఉందని ప్రజలు పేర్కొంటున్నారు. విధి నిర్వహణ సమయంలో మద్యం సేవించడం వల్ల ఏదైనా అవాంఛనీయ సంఘటన జరిగితే బాధ్యత ఎవరు వహిస్తారని ప్రశ్నిస్తున్నారు.
*సిబ్బందిని వివరణ కోరితే దురుసుగా సమాధానం?*
సబ్స్టేషన్లో సిబ్బంది మద్యం సేవిస్తున్నారని వివరణ కోరగా, మోహన్ రెడ్డి తాము విధి నిర్వహణలోనే ఉన్నామని దురుసుగా సమాధానం ఇచ్చినట్లు స్థానికులు ఆరోపిస్తున్నారు. ప్రజల ప్రశ్నలకు బాధ్యతాయుతంగా సమాధానం చెప్పాల్సిన సిబ్బంది ఇలా వ్యవహరించడం పట్ల పలువురు అసంతృప్తి వ్యక్తం చేస్తున్నారు. ఈ వ్యవహారంపై సంబంధిత అధికారులు సమగ్ర విచారణ జరిపి, సబ్స్టేషన్లో విధులు నిర్వహిస్తున్న సిబ్బంది వ్యవహారశైలిపై పరిశీలన చేయాలని ప్రజలు కోరుతున్నారు.
*విధి సమయంలో మద్యం సేవించడం నేరం: మేడ్చల్ ఏడీఈ*
విధి నిర్వహణ సమయంలో మద్యం సేవించడం నేరమని మేడ్చల్ ఏడీఈ పేర్కొన్నట్లు సమాచారం. ఈ ఘటనపై రూరల్ ఏఈ స్పందిస్తూ, మద్యం సేవించిన వారిపై పోలీసు కేసు నమోదు చేసి, పూర్తి వివరాలను వెలికితీయాలని సూచించినట్లు తెలిసింది.
విద్యుత్ శాఖలో విధులు నిర్వహించే సిబ్బంది నిబంధనలకు అనుగుణంగా పనిచేయాలని, ప్రజలకు ఇబ్బందులు కలగకుండా బాధ్యతాయుతంగా వ్యవహరించాలని అధికారులు స్పష్టం చేసినట్లు సమాచారం.
*విధి నిర్వహణలో సిబ్బంది బాధ్యత ఇదేనా?*
ఈ సందర్భంగా స్థానిక ప్రజలు మాట్లాడుతూ, ప్రభుత్వ ఉద్యోగాలు పొంది ప్రజలకు సేవలు అందించాల్సిన సిబ్బంది విధి నిర్వహణ సమయంలో మద్యం సేవించడం ఎంతవరకు సమంజసమని ప్రశ్నిస్తున్నారు. విద్యుత్ సబ్స్టేషన్ వంటి అత్యవసర సేవల కేంద్రాల్లో పనిచేసే సిబ్బంది అప్రమత్తంగా ఉండాలని పేర్కొంటున్నారు.
విద్యుత్ సరఫరాలో సమస్యలు తలెత్తినప్పుడు ప్రజలు సబ్స్టేషన్ సిబ్బందిపైనే ఆధారపడతారని, అలాంటి సమయంలో సిబ్బంది నిర్లక్ష్యంగా వ్యవహరిస్తే ప్రజలకు ఇబ్బందులు ఎదురయ్యే అవకాశం ఉందని ఆందోళన వ్యక్తం చేస్తున్నారు.
*ఉన్నతాధికారులు వెంటనే స్పందించి సిబ్బంది పై కట్టిన చర్యలు తీసుకోవాలి*
ఎల్లంపేట విద్యుత్ సబ్స్టేషన్లో మద్యం సేవిస్తున్న సబ్ స్టేషన్ సిబ్బందిని సంబంధిత ఉన్నతాధికారులు తక్షణమే విధుల నుండి తొలగించాలని ప్రజలు కోరుతున్నారు. ఈ ఘటనపై సమగ్ర విచారణ జరిపి, ఆరోపణలు నిజమని తేలితే బాధ్యులపై శాఖాపరమైన చర్యలతో పాటు అవసరమైన చట్టపరమైన చర్యలు తీసుకోవాలని విజ్ఞప్తి చేస్తున్నారు.
ప్రభుత్వ ఉద్యోగులుగా ప్రజలకు సేవలు అందించాల్సిన సిబ్బంది విధి నిర్వహణలో బాధ్యతాయుతంగా వ్యవహరించాలని, ఇలాంటి ఘటనలు పునరావృతం కాకుండా అధికారులు పర్యవేక్షణను పెంచాలని స్థానికులు కోరుతున్నారు.