ఆటో డ్రైవర్లకు ఆర్థిక భరోసా కల్పించాలి

*ఆటో డ్రైవర్లకు ఆర్థిక భరోసా కల్పించాలి*

••ఉచిత బస్సు తో రోడ్డున పడ్డ కుటుంబాలు.

••సిరిసిల్ల జిల్లాలో ఆటో డ్రైవర్లు, కార్మికుల ఆందోళన

సిరిసిల్ల,ప్రజావాణి

సిరిసిల్ల జిల్లాలో ఆటో డ్రైవర్ల సమస్యలను పరిష్కరించాలని డిమాండ్ చేస్తూ ఆటో డ్రైవర్లు, కార్మికులు ఆందోళన చేపట్టారు. ఎన్నికల సమయంలో కాంగ్రెస్ పార్టీ ఇచ్చిన హామీలను వెంటనే అమలు చేయాలని, ఆటో డ్రైవర్లకు ఆర్థిక భరోసా కల్పించాలని డిమాండ్ చేశారు.

*ఉచిత బస్సు ప్రయాణంతో ఆదాయం తగ్గింది*

మహిళలకు ఉచిత బస్సు ప్రయాణం కారణంగా ఆటో డ్రైవర్ల ఆదాయం గణనీయంగా తగ్గిందని నిరసనకారులు ఆవేదన వ్యక్తం చేశారు. రోజువారీ జీవనం సాగించడం కష్టంగా మారిందని, ప్రభుత్వం ప్రత్యేకంగా ఆటో కార్మికులను ఆదుకోవాలని కోరారు.

*సీఎం పర్యటన నేపథ్యంలో నిరసన*

ఈ నెల 30న ముఖ్యమంత్రి రేవంత్ రెడ్డి సిరిసిల్లకు రానున్న నేపథ్యంలో ఆటో డ్రైవర్లు తమ సమస్యలను ప్రభుత్వం దృష్టికి తీసుకెళ్లేందుకు ఈ ఆందోళన చేపట్టారు. తెలంగాణలో ఆటో డ్రైవర్ల ఆర్థిక సాయం, ఉపాధి సమస్యలపై ఆందోళనలు కొనసాగుతున్నాయని పేర్కొన్నారు.

*వెంటనే ఆదుకోవాలని డిమాండ్*

ప్రభుత్వం వెంటనే స్పందించి ఆటో డ్రైవర్ల సమస్యలను పరిష్కరించాలని, ఆర్థికంగా అండగా నిలిచి ఉపాధి భద్రత కల్పించాలని నిరసనకారులు డిమాండ్ చేశారు.