కడప జిల్లా పోరుమామిళ్ల ఆగస్టు16 ప్రజావాణి స్థానిక పోలీస్ స్టేషన్ ఆవరణలో 80వ స్వాతంత్ర్య దినోత్సవ వేడుకలను అత్యంత వైభవంగా,దేశభక్తి ఉత్సాహాల మధ్య నిర్వహించారు. దేశ స్వేచ్ఛ కోసం ప్రాణాలర్పించిన అమరవీరుల త్యాగాలను స్మరిస్తూ పోలీస్ సిబ్బంది ఈ వేడుకల్లో ఉత్సాహంగా పాల్గొన్నారు.మువ్వెన్నెల జెండాను ఆవిష్కరించిన అధికారులు ఈ కార్యక్రమానికి ముఖ్య అతిథులుగా పోరుమామిళ్ల సర్కిల్ ఇన్స్పెక్టర్హేమ సుందర్.(సి.ఐ) సబ్ ఇన్స్పెక్టర్ హనుమంతు (ఎస్.ఐ) హాజరయ్యారు. పోలీస్ స్టేషన్ ఆవరణలో ఏర్పాటు చేసిన జాతీయ పతాకాన్ని వారు గౌరవవందనం చేస్తూ ఆవిష్కరించారు. అనంతరం అక్కడ ఉన్న అశోక స్తూపం నమూనా వద్ద పుష్పాంజలి ఘటించి నివాళులర్పించారు.గౌరవ వందనం సమర్పించిన పోలీసులు జెండా ఆవిష్కరణ అనంతరం సి.ఐ,ఎస్.ఐ లతో పాటు పోలీస్ స్టేషన్ సిబ్బంది,కానిస్టేబుళ్లు అందరూ క్రమశిక్షణతో కూడిన పద్ధతిలో జాతీయ జెండాకు సెల్యూట్ చేస్తూ గౌరవ వందనం సమర్పించారు.దేశ రక్షణలో తాము ఎల్లప్పుడూ ముందుంటామని,శాంతిభద్రతల పరిరక్షణకు కట్టుబడి ఉంటామని ఈ సందర్భంగా పోలీసులు పునరుద్ఘాటించారు.
ఈ వేడుకల్లో పోలీస్ స్టేషన్ సిబ్బంది ఒకరు ఈ జ్ఞాపకాలను కెమెరాలో బంధించారు.కార్యక్రమంలో స్థానిక కానిస్టేబుళ్లు, హోంగార్డులు, ఇతర పోలీస్ సిబ్బంది పెద్ద సంఖ్యలో పాల్గొన్నారు.