కష్టాల నుంచి విజయ శిఖరాలకు డాక్టర్ చంద్రమోహన్
కౌకొండ గ్రామానికి చెందిన డాక్టర్ చంద్రమోహన్ గారు, తండ్రి కొమురయ్య .తల్లి సుశీల గార్ల కుమారుడు. సాధారణ కుటుంబంలో జన్మించిన ఆయన చిన్ననాటి నుంచే ఎన్నో ఆర్థిక ఇబ్బందులు, కష్టాలను ఎదుర్కొన్నారు. అయితే ఎన్ని సమస్యలు ఎదురైనా చదువుపై ఉన్న ఆసక్తిని, లక్ష్యంపై ఉన్న నమ్మకాన్ని మాత్రం ఎప్పుడూ వదల్లేదు.
అంచెలంచెలుగా కష్టపడి చదువుకుంటూ తన విద్యాభ్యాసాన్ని కొనసాగించారు. సాంఘిక సంక్షేమ పాఠశాల/జాకారం. . ములుగు విద్యాసంస్థలో చదువుకుని, అనంతరం ఎంసెట్ పరీక్ష రాసి మంచి ప్రతిభ కనబరిచారు. పేదరికం, కష్టాలు తన విజయానికి అడ్డంకులు కాకుండా, వాటినే తన ఎదుగుదలకు మెట్లుగా మార్చుకున్నారు.
తరువాత ఉన్నత విద్య, శిక్షణ కోసం వివిధ ప్రాంతాల్లో అవకాశాలను అందిపుచ్చుకుంటూ తన ప్రస్థానాన్ని కొనసాగించారు. కేరళలో శిక్షణ పొందుతూ విలువైన అనుభవాన్ని సంపాదించారు. అనంతరం వరంగల్లో ఎంజీఎం శిక్షణ తీసుకుంటూ తన నైపుణ్యాలను మరింత అభివృద్ధి చేసుకున్నారు.
ప్రస్తుతం డాక్టర్ చంద్రమోహన్ గారు మల్లారెడ్డి ఆసుపత్రిలో తన వృత్తి సేవలను కొనసాగిస్తున్నారు. ఎంతో కష్టపడి చదువుకుని, ఒక్కో మెట్టు ఎక్కుతూ నేడు మంచి స్థాయికి చేరుకున్న ఆయన ప్రయాణం యువతకు, ముఖ్యంగా పేద కుటుంబాల విద్యార్థులకు గొప్ప స్ఫూర్తి.
“కష్టాలు మనల్ని ఆపడానికి రావు… మనలో ఉన్న శక్తిని బయటకు తీసుకురావడానికి వస్తాయి” అనే మాటకు డాక్టర్ చంద్రమోహన్ గారి జీవితం ఒక గొప్ప ఉదాహరణ.
కౌకొండ గ్రామం గర్వించదగ్గ వ్యక్తిగా, కష్టపడి చదివి ఉన్నత స్థాయికి ఎదిగిన డాక్టర్ చంద్రమోహన్ గారు మరెన్నో విజయాలు సాధించాలని మనస్ఫూర్తిగా కోరుకుందాం.