జిల్లా ఎస్పీ అశోక్ కుమార్, డీఎస్పీ పురుషోత్తంరెడ్డి ల ఆదేశాల మేరకు వెల్గటూర్ పోలీస్ స్టేషన్ పరిధిలో ‘నేను సైతం’ కార్యక్రమాన్ని నిర్వహించారు. సీఐ రాంనర్సింహారెడ్డి, ఎస్సై ఉదయ్ కుమార్ సమక్షంలో వెంకటసాయి ట్రేడర్స్ సహకారంతో రెండు సీసీ కెమెరాలను ప్రారంభించారు. ఈ సందర్భంగా సీఐ మాట్లాడుతూ.. నేరాల నియంత్రణకు, అసాంఘిక కార్యకలాపాలను అరికట్టడానికి సీసీ కెమెరాలు ఎంతో కీలకమని పేర్కొన్నారు. వ్యాపారులు తమ పరిసరాల్లో కెమెరాలను ఏర్పాటు చేసుకుని నేర రహిత సమాజ నిర్మాణంలో భాగస్వాములు కావాలని పిలుపునిచ్చారు.