జగిత్యాల జిల్లా వెల్గటూర్ మండల కేంద్రంలో బుధవారం తెల్లవారుజామున ప్రమాదవశాత్తు సంతోష్ అనే వ్యక్తి బావిలో పడిపోయాడు. సమాచారం అందుకున్న వెంటనే సర్పంచ్ భర్త బండమీది గోపి, వార్డ్ సభ్యుడు నక్క సురేష్ స్థానికులతో కలిసి అక్కడికి చేరుకున్నారు. వారు ప్రాణాలకు తెగించి, సాహసోపేతంగా బావిలోకి దిగి సంతోష్ను సురక్షితంగా బయటకు తీశారు. సమయస్ఫూర్తితో వ్యవహరించి ఒక ప్రాణాన్ని కాపాడిన వారి ధైర్యసాహసాలను గ్రామస్థులు అభినందించారు.